Plantun de Prouvènço

Pèr coumpara dos planto d'encò nostre

Polypogon viridis & Rumex scutatus

fotò
fotò
Co-de-lèbre(-verdo)

Polypogon viridis

Poaceae Graminaceae

Nom en français : Polypogon vert.

Descripcioun :
La co-de-lèbre-verdo trachis en coulounìo dins li limas de ribiero e li roubino. Fai de fiéu (estouloun) que prènon eisamen racino i nous. Se recounèis à sis enflourejado en paumo ramado, verdo pièi un pau vióuleto, touto cuberto d'espigueto. Acò permès de la destria de la treinasso, Agrostis stolonifera, ço qu'èi pas toujour eisa. Pensas tambèn de regarda la lengueto qu'èi eici pu courto. Apoundèn qu'eici la lemma e la palea soun quàsi tant grando.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Polypogon
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 6 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Ribiero - Limas - Roubino
Estànci : Termoumediterran à Coulinen
Couroulougi : Subretroupicalo
Ref. sc. : Polypogon viridis (Gouan) Breistr., 1966

fotò
fotò
Eigreto-fèro

Rumex scutatus

Polygonaceae

Àutri noum : Erbo-dóu-biòu, Acetouso, Acetouo, Acitouro, Citouro.

Noms en français : Oseille ronde, Rumex à écussons.

Descripcioun :
L'eigreto-fèro trachis dins lis esboudèu de mountagno. Es uno eigreto eisado de recounèisse bonodi la formo de sa fueio que douno d'èr à-n-un escudet.

Usanço :
L'eigreto-fèro èi manjadisso coume tóuti lis eigreto ; se bouto dins la soupo, l'ensalado e d'ùni tian. Ramenten que fau pas trop n'en manja malodi l'acide óussali e acò subretout s'avès de proublèmo de ren o de mau d'os.

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae


Ordre : Caryophyllales

Coulour de la flour : Roso
Petalo : 3
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Auto mountagno - Mountagno mejano - Esboudèu - Basso mountagno
Estànci : Subremediterran à Subaupen
Couroulougi : Pancaro entresigna
Ref. sc. : Rumex scutatus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
C
RR
RRR
CC
CCC
CCC

Polypogon viridis & Rumex scutatus

C
R
C
C
R
RR
C
ges

Coumpara Co-de-lèbre(-verdo) emé uno autro planto

fotò

Coumpara Eigreto-fèro emé uno autro planto

fotò